Startseite » Platt » Möwen-Fröhjohr

Möwen-Fröhjohr

Möwen-Fröhjohr:
Wo blievt wi af?

En Sturmmöwenpoor flöög vun Poller to Poller. Narms kunnen se enen frien Poller an de Traav för en Nest finnen. De Boots-Eegner harrn alle Poller mit Steen un Draht tomaakt. Dor harr keen Nest mehr Platz. De Eegner wullen keen Möwennest up ehr’n Fastmaker (Poller) hebben. Denn harrn se ümmer Möwenschiet up ehr Boot.

Tolle Poller to'n Nisten — fies blockiert!
Tolle Poller to’n Nisten — fies blockiert!
Möwen-Kriegsraad: "Wat meenst, wat schallt wi maken?"
Möwen-Kriegsraad: “Wat meenst, wat schallt wi maken?”

Mit groot Gekriesch kreisen de Möwen an’t Över vun de Traav lang. Endlich harr dat Möwenpoor noch enen leeren Poller funnen. Dat wöör ok hööchste Tiet.

Mööw in'n Deepfloog
Mööw in’n Deepfloog
Besichtigen vun en Poller ...
Besichtigen vun en Poller …

Glieks güng dat an de Arbeid. De beiden ünnersöchen dat Ümfeld vun den Poller genau. Setten sik ok to Proov up den Poller. Dat kunn ehr nieges Tohuus warrn.

... un Proovsitten. Is komodig!
… un Proovsitten. Is komodig!

Dat duur noch en ganze Tiet, bit allens trecht weer. Eerst müssen noch de Eier leggt warrn. Meistens weern dat dree Eier — ok bi uns Poor hier. Up de Eier müß een vun de Möwenöllern tominnst fiefuntwintig Daag sitten. Een vun de beiden kreeg de Upgaav, de Eier to dreihn. Denn slupen de Küken eerst ut dat Ei. — Dat müssen wi doch mitkriegen!

Dree Eier ...
Dree Eier …
... mööt bebröödt ...
… mööt bebröödt …
... un ümdreiht warrn. Bloots denn warrt se gar!
… un ümdreiht warrn. Bloots denn warrt se gar!

De Öllern lösen sik bi dat Bröden af. Se harrn dat glieke Utsehn, harrn dat glieke Fedderkleed an. Du kannst se nich uteenanner hollen. Up düssen Poller wullen de Möwen blieven.

Wedder goot hensetten!
Wedder goot hensetten!

Denn wöörn se ok noch enen Fischkutter wies. Dat weer Heringstied. De Kutter keem jüüst von See.

Fischkutter! Dat Middageten kümmt!
Fischkutter! Dat Middageten kümmt!

An Bord wöörn de Heringe al sauber maakt. De Innereen smeten de Fischer eenfach över Bord. Dat weer denn ümmer en richtig Festeten för de Möwen!

Nu sitt se satt to tweet op ehrn Poller!
Nu sitt se satt to tweet op ehrn Poller!

Vun Antje Heßler

Unser Travemünde Heft 2/390

zurück zur Übersichtsseite Platt