Startseite » Platt » Platt So lütt kann de Welt sien

So lütt kann de Welt sien

Dat männich Tramünner wiet reiste Lüüd sünd im an manch Placken up uns Eerdkugel al weest sünd, dat weet ik al lang. Avers kann een sik vorstellen, dat se bi -Radio Kanada- in Mantreal wat över Tramünn weten doot? Ik much dat eenfach nich glöven, aver dat weer so.

Dat is nu al en beten her. Ik wecr in Nordamerika, kort ünner de kanadsche Grenz. Narichten vun to Huus höör ik över den Radiosennen -Deutsche Welle-. Den Senner kann man dor droben över Kortwell to jeedeen Dagestied goot infangen. He bringt dat nieste ut Düütschland un de ganze Welt. Sülvst över dat Weder, de Lottotallen un ok wat vun de Bundesliga.

Enen Morgen seet ik wedder vör’t Radio. Ik möök mi an’t Söken üm de Düütsche Well to luustern. Ik fünn enen Senner wo se düütsch snacken deen. As ik ut de Snackerie ruthören kunn, weer dat -Radio Kanada-. He bröch een Sennung för Düütschland.

En Reporter snack mit en junge Deern. He wull weten wi ehr Kanada gefallen dee. Ok ob se al Land un Lüüd kennenlehrt harr. Wi ehr dat in Montreal gefallen dee. Ok wull he weten, wo se in Düütschland to Huus weer.

Wat ik dor över den Senner hören dee, wu!i mi in’n eersten Ogenblick gornich in den Kopp. Ik dach bi mi: „Hest du richtig hört?“ Seggt doch de junge Deern: „Ik kaam ut Tramünn, vun de Oostsee.“ Mi verslöög dat de Spraak. Dat kunn doch woll nich wohr sien, Angelika ut Tramünn, as Aupair-Mädchen in Montreal in Kanada.

Dor harrn wi dat mal wedder. So lütt kann se wesen, uns Welt. Sitt ik dor kort vör de kanadsche Grenz. Höör tofällig -Radio Kanada-. Vertellt dor frisch un munter en junge Deern, ik kaam ut Tramünn. Ob ik mi woll wunnert heff? Dor seggt nu een, de weet bi -Radio Kanada- nix över Tramünn.

Rolf Schwippert
Unser Travemünde, 2001, Heft 3/308

zurück zur Übersichtsseite Platt